माजलगाव जि. बीड येथील धरणात सकाळी पोहायला गेलेले डाॕ. फपाळ यांचा पोहताना बुडुन मृत्यु झाला होता. त्यांच्या मृतदेहाचा शोध घेण्यासाठी जिल्हा प्रशासनाने जवानाना पाचारण केले होते.

    या पथकात कोल्हापुरचा जवान *राजशेखर मोरे* हा शोधकार्यात धाडसाने प्रयत्न करित होता. मात्र काही तांत्रिक अडचणीमुळे याच जवानाचा दुर्देवी अंत या धरणात झाला होता.

   शहिद जवानाच्या या दुर्देवी मृत्युमुळे संपुर्ण माजलगाव तालुका हळहळुन गेला होता.

    या जवानाच्या घरची परिस्थिती बिकट असल्यामुळे त्याच्या कुटुंबाला सामाजिक भावनेतुन हातभार लावण्याच्या हेतुने माजलगाव तालुक्यातील आबेगावच्या समस्त नागरिकांनी एकाच दिवसात जवळपास *41 हजार रुपये* मदत निधी जमा करुन समाजा समोर आदर्श निर्माण केला आहे.

     गावातील प्रमोद कल्याणराव शेजुळ व अनिल अच्युतराव शेजुळ या तरुणांच्या संकल्पनेतुन शहीद जवानाच्या प्रतिमेची गावातुन मिरवणुक काढण्यात आली.  हात मदतीचा"या भावनेतुन निघालेल्या मदत फेरीला गावातील लहान - मोठ्यानी भरभरुन साथ दिली . या मदत फेरीत सर्व स्तरातील नागरीक मोठ्या संख्येने उपस्थित झाले होते.यामध्ये महिला व लहान मुलांचा ही मोठा सहभाग होता.