দূৰ্গা পূজাৰ প্ৰাকক্ষণত সোণাৰিত মাৰণাস্ত্ৰসহ এজনক আটক। আটকাধীন লোকজনৰ নাম খঞ্জন নাথ। খঞ্জন নাথৰ ঘৰ বৰপেটা জিলাৰ ফুলগুৰিত বুলি জানিব পৰা গৈছে । আটকাধীন লোকজনৰ পৰা এটা চেমছাং মোবাইল, এটা ৭.৬৫ এম এম পিষ্টল, এটা মেগজিন, তিনি জাঁই সক্ৰিয় গুলী উদ্ধাৰ কৰিছে আৰক্ষীয়ে। অসম আৰক্ষী আৰু সেনাৰ তহলদাৰী দলে গোপন তথ্যৰ ভিত্তিত অভিযান চলাই সোণাৰি-নামতোলা পথৰ টাওকাক অঞ্চলত থকা এটা শিলৰ ক্ৰেচাৰৰপৰা আটক কৰে লোকজনক। আলফা স্বাধীনৰ লগত যোগসূত্ৰ থকাৰ সন্দেহ আটকাধীন লোক জনৰ বিৰুদ্ধে। সম্প্ৰতি সোণাৰি আৰক্ষী থানাত সোধপোছা অব্যাহত ৰাখিছে আৰক্ষীয়ে।