মাননীয় উপ-ৰাষ্ট্ৰপতি শ্ৰীযুত জগদীপ ধনখড় ডাঙৰীয়াই উদ্বোধন কৰা দুদিনীয়া ‘লোকমন্থন-২০২২’ৰ উদ্বোধনী অনুষ্ঠানত উপস্থিত থাকে মাননীয় মুখ্যমন্ত্ৰী ড৹ হিমন্ত বিশ্ব শৰ্মা ডাঙৰীয়াই । মাননীয় উপ-ৰাষ্ট্ৰপতি ডাঙৰীয়াৰ উপস্থিতিয়ে অনুষ্ঠানটিত আমাৰ নিজৰ সমৃদ্ধ সংস্কৃতি, পৰম্পৰা, গুণাগুণ, জ্ঞান আৰু জীৱন শৈলীৰ চিন্তা চর্চাৰ দিশত আগুৱাই যোৱাৰ বার্তা বহনৰ লগতে অনুষ্ঠানটিৰ অভূতপূৰ্ব সফলতা প্ৰদান কৰাত নিশ্চিতভাৱে সহায় কৰিব। আমাৰ মূল্যবোধ আৰু লোকাচাৰক প্রাধান্য দি ‘লোকমন্থন’ আয়োজন কৰিবলৈ অসমক বাছনি কৰাৰ বাবে আয়োজকসকলৰ প্ৰতি হৃদয়েৰে কৃতজ্ঞতা জ্ঞাপন কৰিছোঁ। আমাৰ ৰাজ্যৰ বিভিন্ন জনজাতি, উপ-জাতি আৰু থলুৱা সম্প্রদায়ৰ মানৱ সম্পদেৰে সমৃদ্ধ সংগমে এই বৌদ্ধিক মন্থন পদক্ষেপৰ বৃহৎ সফলতাত অৰিহণা যোগাব বুলি মোৰ দৃঢ় বিশ্বাস বুলি মাননীয় মুখ্যমন্ত্ৰী ডাঙৰীয়াই ক'য়।