મહેસાણા : વિસનગર તાલુકાના પુદગામની સીમમાં તાલુકા પોલીસ સ્ટેશનમાં 9 ગુનામાં પકડાયેલા વિદેશી દારૂ પર બુલડોઝર ફેરવીને દારૂનો નાશ કરવામાં આવ્યો હતો. જેમાં 18 હજાર 862 નંગ બોટલ વિદેશી દારૂ જેની કિંમત રૂ. 22 લાખથી વધુના દારૂનો પોલીસ દ્વારા નાશ કરાયો હતો. જેમાં પ્રાંત અધિકારી, મામલતદાર, ડીવાયએસપી, નશાબંધી અને આબકારી અધિકારીઓ, મહેસાણા તેમજ વિસનગર તાલુકાના પી.આઇની ઉપસ્થિતિમાં નાશ કરવામાં આવ્યો હતો. વિસનગર તાલુકા પોલીસ સ્ટેશનમાં તારીખ 03 ફેબ્રુઆરી, 2022થી 18 જુલાઈ, 2022 સુધીમાં 9 ગુનામાં પકડાયેલા વિદેશી દારૂના જથ્થાનો પુદગામની સીમમાં નાશ કરવામાં આવ્યો હતો.