पिकांचे तात्काळ पंचनामे करा : आमदार राजपूत कन्नड: तालुक्यातील नाचनवेल परिसरात सततच्या पावसामुळे शेतकऱ्यांच्या पदरात पीक पडण्या अगोदरच भुईसपाट झाले . नुकसान झालेल्या पिकांचे तात्काळ पंचनामे करा असे सांगत खचून जाऊ नका , शिवसेना शेतकऱ्यांच्या पाठीशी खंबीरपणे उभी असल्याचे प्रतिपादन आमदार उदयसिंग राजपूत यांनी केले . अतिवृष्टीने पिकांचे नुकसान झालेल्या शेतकऱ्यांच्या शेतावर जाऊन त्यांनी पाहणी केली . याप्रसंगी ते बोलत होते . यावेळी तालुकाप्रमुख संजय मोटे , उपतालुकाप्रमुख संजय पिंपळे , उपविभागीय अधिकारी जनार्दन विधाते , तहसीलदार संजय वारकड , तालुका कृषी अधिकारी बाळराजे मुळीक , मंडळ अधिकारी टी . के . बनकर , आर . डी . बेडवाल , तलाठी जी . जी . खिल्लारे , कृषी सहायक नीलेश खाडे , जगदीश पवार , अरुण चव्हाण , इ . जी . राठोड होते . यावेळी भूषण शिंदे , गजानन म्हस्के , रामेश्वर आग्रे , कैलास आग्रे , बाबुराव आग्रे , विष्णू आग्रे , अनिल आग्रे , विजय आग्रे , राघू पाटील आग्रे , भाऊसाहेब आग्रे , विशाल निकम , शंकर आग्रे व शेतकरी उपस्थित होते