নলবাৰী সমষ্টিৰ ঘগ্ৰাপাৰৰ ওচৰৰ এটি অতি গুৰুত্বপূৰ্ণ লোকনিৰ্মান বিভাগৰ পথত থকা এখন বাহৰ দলঙে চাৰিমাহ ধৰি পথচাৰীক যন্ত্ৰণা ভোগাই আহিছে৷উল্লেখ্য যে অঞ্চলটোৰ ২নং নিমুৱা লাতিমা গাৱঁৰ লোকনিৰ্মান বিভাগৰ পথটোৰ এটি কালভাৰ্ট আজিৰ পৰা চাৰিমাহ আগতে বানপানীয়ে উটুৱাই নিছিল৷তাৰ পিচতে ৰাইজে গাঠিৰ ধন ভাঙি উক্ত ঠাইত এখন বাহৰ দলং বনাই দিছিল৷বৰ্তমান উক্ত দলঙৰে ৰাইজে বিপদসংকুল ভাবে অহাযোৱা কৰি আছে৷দুখৰ বিষয় যে পথটো নিৰ্মাণৰত ঠিকাদাৰ জনে আজিলৈকে উক্ত বিধস্ত ঠাই পৰ্য্যবেক্ষন কৰিবলৈ আহৰি পোৱা নাই৷আনকি লোকনিৰ্মান বিভাগো এইক্ষেত্ৰত নিমাত হৈ আছে৷সেয়েহে উক্ত বিধস্ত অংশ শিঘ্ৰে মেৰামতিৰ দাবী কৰিছে অসম জাতীয়তাবাদী যুৱছাত্ৰ পৰিষদ,ঘগ্ৰাপাৰ আঞ্চলিক সমিতিয়ে৷লোকনিৰ্মান বিভাগে ইয়াৰ কোনো ব্যৱস্থা নললে আন্দোলনৰ পথ লৱলৈ বাধ্য হব বুলি সংগঠনটোৱে সদৰি কৰিছে৷৷