মৰাণ কুশলনগৰস্থিত  মৰাণ নাহৰকটীয়া সংযোগী পথত থকা বৃহৎ পুখুৰী সদৃশ দ গাতে এতিয়া জীয়াতু ভুগিব লগা হৈছে পথছাৰী। দুদিনত প্ৰায় আঠখনকৈ ই-ৰিক্সা দুৰ্ঘটনাত পতিত আহত হব লগা হৈছে কেইবাগৰাকী পথচাৰী। যেন দেখিও নেদেখাৰ ভাও লৈ আছে মৰাণ গড়কাপ্তানি উপসংমণ্ডল বিভাগ। পথছোৱাৰ এটা অংশ মৰাণ পৌৰসভাৰ অন্তৰ্গত যদিও কোনো গুৰুত্ব নাই নলা নিৰ্মাণৰ বাবে। যিহেতু স্থানীয় লোকৰ অভিযোগ যে পথৰ দুয়োকাষে পানী যাবলৈ নলাৰ ব্যৱস্থা নাই যাৰ বাবে পথৰ ওপৰত পানী জমা হৈ সৃষ্টি হৈছে এই বৃহত গাত। মনকৰিবলগীয়া বিষয় যে এই পথটোৰে মৰাণ, টিংখং আৰু মাহমৰা তিনিটা সমষ্টিৰ জনপ্ৰতিনিধি অথবা দুজনকৈ মন্ত্ৰী আৰু এগৰাকী বিধায়ক সঘনে অহা যোৱা কৰে তথাপিও পথটোৰ তথৈবছ অৱস্থা। গুৰুত্বনাই কাৰোৰে। কেৱল গাতকেইটা তাপলি মাৰি দ্বায়িত্ব সামৰে বিভাগে। যাৰ বাবে এতিয়া পানী জমা হৈ এনে বৃহত দ গাত সৃষ্টি হৈ দুৰ্ঘটনা পতিত হব লগা হৈছে জনসাধাৰণ।