उरणमधील आर्यन विरेश मोडखरकर याने आज इंदौर येथे झालेल्या जलतरण स्पर्धेत 3 गोल्ड मेडल जिंकून महाराष्ट्र राज्य बरोबर उरणचे नाव उज्जवल केले आहे. या यशाबद्दल आर्यन मोडखरकरवर अभिनंदनाचा वर्षाव होत आहे. आर्यन मोडखरकर हा उरण तालुका मराठी पत्रकार संघाचे उपाध्यक्ष विरेश मोडखरकर यांचा सुपुत्र आहे.

आर्यन मोडखरकर याला लहानपणापासून पोहण्याची आवड होती. त्याला योग्य मार्गदर्शन लाभल्याने अल्पावधीतच त्यांनी अनेक जलतरण स्पर्धेत भाग घेऊन गोल्ड मेडल मिळविले आहे. मात्र राज्याबाहेर प्रथमच इंदौर येथे जलतरण स्पर्धेत भाग घेतला होता.

आर्यन मोडखरकर यांनी आज इंदौर, मध्यप्रदेश येथे संयुक्त भारतीय खेल फाउंडेशनच्या 7 व्या 2022 राष्ट्रीय खेल स्पर्धेत 50 मीटर फ्रिस्टाईल, 100 मीटर फ्रिस्टाईल आणि 50 मीटर बटरफ्लाय या तीन स्पर्धानमध्ये 3 गोल्ड मेडल मिळविले आहे.

आपल्या राज्य बाहेर आर्यन मोडखरकर यांनी जलतरण स्पर्धेत भाग घेऊन 3 गोल्ड मेडल जिंकत महाराष्ट्र राज्याबरोबर उरणचे नाव ही चमकविले आहे. या यशाबद्दल आर्यन मोडखरकर याच्यावर अभिनंदनाचा वर्षाव होत आहे. या यशाबद्दल उरण तालुका मराठी पत्रकार संघातर्फे त्याचे अभिनंदन करण्यात आले आहे.