উন্নয়নৰ ক্ষেত্ৰত চৰাইদেউ জিলাৰ সোণাৰি আৰু মাহমৰা দুয়োটা বিধানসভা সমষ্টিয়েই লাভ কৰিছে 'এ' গ্ৰেড। যোৱা ১২ চেপ্তেম্বৰত অনুষ্ঠিত হোৱা বিধায়িনী দলৰ বৈঠকত মুখ্যমন্ত্ৰী হিমন্ত বিশ্ব শৰ্মাই এই কথা ঘোষণা কৰিছিল। এই তথ্য সংবাদ মাধ্যমৰ আগত অৱগত কৰিলে সোণাৰি সমষ্টিৰ বিধায়ক ধৰ্মেশ্বৰ কোঁৱৰে। সোণাৰি সমষ্টিয়ে উন্নয়নৰ মূল্যায়নত "এ প্লাছ" পোৱাৰ আশা কৰা হৈছিল যদিও একাংশ চৰকাৰী বিষয়া-কৰ্মচাৰীৰ বাবেই সেয়া বাস্তৱ নহ'ল বুলিও মন্তব্য বিধায়ক গৰাকীৰ। আনহাতে সমষ্টিটোৰ উন্নয়নত আশাবাদী বিধায়ক ধৰ্মেশ্বৰ কোঁৱৰে আগন্তুক দিনত ৰাইজৰ সহযোগত ৰাইজৰ বাবে উন্নয়নমূলক আঁচনি সমূহ ৰূপায়ন কৰি যাব বুলিও মন্তব্য আগবঢ়াইছে।