માણેકચોકની ઝૂંપડીની પોળમાં 2 માળનું મકાન ધરાશાયી, ફસાયેલા 3 લોકોનું રેસ્ક્યૂ

અમદાવાદ શહેરમાં બે માળનું મકાન ધરાશાયી થયું હતું. જોકે સદનસીબે કોઈ જાનહાની થઈ ન હતી. શહેરના ઝૂંપડીની પોળ સાંકડી શેરી માણેક ચોક વિસ્તારમાં આવેલું બે માળનું મકાન બપોરે અચાનક ધરાશાયી થતાં કાટમાળમાં 3 લોકો ફસાયા હતા. કાટમાળમાં 3 લોકો ફસાયા હોવાની અમદાવાદ ફાયર બ્રિગેડને જાણ કરાતાં કાફલો ઘટનાસ્થળે દોડી ગયો હતો. ફાયર બ્રિગેડને ટીમે રેસ્ક્યૂ કરીને કાટમાળમાંથી ત્રણેયને બહાર કાઢ્યા હતા.