পুৰণি পেঞ্চন নীতি বাহাল ৰখাৰ লগতে প্ৰাথমিক শিক্ষকসকলৰ বহুকেইটা গুৰুত্বপূৰ্ণ সমস্যা সমাধানৰ দাবীত অহা ২০ ছেপ্টেম্বৰত ৰাজ্যজুৰি অসম ৰাজ্যিক প্ৰাথমিক শিক্ষক সন্মিলনীয়ে ঘোষণা কৰা আন্দোলনৰ কাৰ্যসূচীৰ প্ৰতি সঁহাৰি জনাই চৰাইদেউ জিলা প্ৰাথমিক শিক্ষক সন্মিলনী, নাজিৰা মহকুমা আৰু শিৱসাগৰ মহকুমাই শিৱসাগৰ জিলা প্ৰাথমিক শিক্ষা বিষয়া কাৰ্যালয়ৰ সন্মুখত এক ঘন্টীয়া ধৰ্ণা কাৰ্যসূচী ৰূপায়ণ কৰিব৷ চৰাইদেউ জিলা প্ৰাথমিক শিক্ষক সন্মিলনীৰ সভাপতি দীননাথ পাংগিং আৰু সাধাৰণ সম্পাদক ৰতন গগৈয়ে সংবাদ মাধ্যমলৈ প্ৰেৰণ কৰা এক বিবৃতিত কয়, নতুন পেঞ্চন নীতি বাতিল কৰা, পুৰণি পেঞ্চন নীতি বাহাল ৰখা, সকলো ঠিকাভিত্তিক শিক্ষকৰ চাকৰি নিয়মীয়াকৰণ কৰা, নতুন শিক্ষা নীতিত শিক্ষক বিৰোধী দফাসমূহ বাতিল কৰা, সকলো ৰাজ্যতে সপ্তম দৰমহা আয়োগৰ দৰমহা প্ৰদান কৰা, শিক্ষাত ব্যক্তিগত ৰাজহুৱা অংশীদাৰীত্ব বন্ধ কৰাকে ধৰি প্ৰাথমিক শিক্ষকৰ বহুকেইটা সমস্যা সমাধানৰ দাবীত ইতিপূৰ্বে দেশজুৰি শিক্ষক সংঘই আন্দোলন কাৰ্যসূচী ঘোষণা কৰিছিল৷ ইয়াৰে অংশ হিচাপে যোৱা 5 ছেপ্টেম্বৰত ৰাজ্যজুৰি শিক্ষক সন্মিলনীয়ে ডাক যোগে একোখনকৈ স্মাৰক পত্ৰ দেশৰ ৰাষ্ট্ৰপতি, প্ৰধানমন্ত্ৰী আৰু ৰাজ্যৰ মুখ্যমন্ত্ৰীলৈ প্ৰেৰণ কৰিছিল৷ কিন্তু শিক্ষকসকলৰ এই সমস্যাৰ প্ৰতি চৰকাৰৰ কোনোধৰণৰ সঁহাৰি লাভ নকৰাত ইতিপূৰ্বে ঘোষণা কৰা আন্দোলনৰ কাৰ্যসূচী হিচাপে অহা ২০ ছেপ্টেম্বৰত জিলা শিক্ষা বিষয়া কাৰ্যালয়ত এক ঘন্টীয়া ধৰ্ণা কাৰ্যসূচী ৰূপায়ণ কৰিব৷ উক্ত কাৰ্যসূচীত বিদ্যালয়ৰ পাঠদান নিয়মীয়াকৈ চলি থকাৰ লগতে এজনীয়া শিক্ষকে পৰিচালিত বিদ্যালয়সমূহৰ শিক্ষকসকলে পাঠদানত উপস্থিত থাকিবলৈ জিলা শিক্ষক সন্মিলনীয়ে আহ্বান জনাইছে৷
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
