অৱশেষত নিয়তিৰ ওচৰত হাৰ মানিলে সোণাৰিৰ "চুইট ছাৰে"

চুইট ছাৰৰ বিয়োগত শোকস্তব্ধ সোণাৰি 

আজীৱন শিক্ষাৰ পোহৰ বিলাই পৰৱৰ্তী সময়ত এক দুৰ্বিসহ জীৱন যাপন কৰা সোণাৰিৰ পদ্ম কুমাৰী বৰুৱা বালিকা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধক্ষ্য চাফাজুক হুছেইন উৰফে চুইট ছাৰৰ আজি পুৱা আকস্মিক বিয়োগ হয়। 

সংবাদ মাধ্যম যোগে অৱসৰপ্ৰাপ্ত অধ্যক্ষ গৰাকীৰ দুৰ্বিসহ জীৱন প্ৰচাৰিত হোৱাৰ পাছত নাজিৰাৰ Human Welfare Society নামৰ স্বেচ্ছা সেৱী অনুষ্ঠানটোৱে তেওঁক পৰিচৰ্যাৰ বাবে নি অসুস্থ হৈ থকা হেতুকে ডিব্ৰুগড়ৰ এখন চিকিৎসালয়ত চিকিৎসা কৰোৱাই পুনৰ নাজিৰালৈ লৈ অনাত আজি পুৱা তেওঁৰ আকস্মিক বিয়োগ হয়। পাছত তেওঁৰ মৃতদেহ সোণাৰিলৈ আনি পদ্ম কুমাৰী বৰুৱা বালিকা উচ্চতৰ মাধ্যমিক বিদ্যালয়ত শ্ৰদ্ধাঞ্জলি দিয়াৰ পাছত বাসগৃহত বহু লোকে অন্তিম শ্ৰদ্ধা জনোৱাৰ অন্তত নিশা সোণাৰি ৰাজহুৱা কৱৰস্থানত জানাজা সম্পন্ন কৰা হয়।