ৰঙিয়া মহকুমাৰ পশ্চিম বড়িগোগ মৌজাৰ বাৰাংহাটী গাৱঁৰ এজাক শিক্ষিত যুৱকে কৃষি কৰ্মৰে নিজক স্বাৱলম্বী কৰাৰ আশাৰে সম্প্ৰতি খেতিপথাৰত নামি পৰাত ৰাইজৰ প্ৰশংসা বুতলিবলৈ সক্ষম হৈছে৷উল্লেখ্য যে সম্প্ৰতি ৰাজ্যত ক্ৰমবৰ্ধমান নিবনুৱা সমস্যা প্ৰতিৰোধৰ ই এক বৈপ্লৱিক চিন্তা বুলি সচেতন মহলত চৰ্চিত হৈছে৷মনকৰিবলগীয়া যে এইবেলি অঞ্চলটোত বানপানীয়ে জৰুলা কৰিছিল সকলো ৰাইজকে৷বানপানীৰ পিচত কৃষকে পূনৰ হেপাহৰে ধানখেতি কৰিছিল যদিও প্ৰচণ্ড খৰাং পৰিস্থিতিয়ে এফালৰ পৰা শুকাই গৈছে৷সেয়েহে ৰবিশস্যৰ খেতি কৰাৰ মানস কৰিছে কৃষক সকলৰ লগতে একাংশ শিক্ষিত যুৱকে৷দেওবাৰে বাৰাংহাটী গাৱঁৰ একাংশ শিক্ষিত যুৱক লগ হৈ মুগুমাহৰ খেতি আৰম্ভ কৰে৷পৰবৰ্তী সময়ত সৰিয়হ,আলু,ৰঙালাউ আদি বিভিন্ন উন্নত জাতৰ পাচলিৰ খেতি কৰাৰ আশা কৰিছে যুৱকৰ দলটোৱে৷অবেশ্যই এইক্ষেত্ৰত অসম চৰকাৰৰ কৃষি বিভাগে সহায় কৰাৰ আশ্বাস দিছে৷