তেইছ বছৰে অভিশপ্ত হৈ ৰ'ল এটা দিন। শিহৰণকাৰী এক ঘটনাই সকলোকে স্তম্ভিত কৰি তুলিছিল সেই দিনটোত। ১৯৯৯ চনৰ ১২ ছেপ্টেম্বৰৰ দিনটো আছিল অবিভক্ত শিৱসাগৰ বৰ্তমান চৰাইদেউ জিলাৰ মাহমৰাবাসীৰ বাবে এটা অভিশপ্ত ক'লা দিন। গুপ্তঘাটকে নৃশংসতাৰ পৰিচয় দিছিল সেই দিনটোত। গুপ্তঘাটকে হত্যা কৰিছিল চৰাইদেউ জিলাৰ মাহমৰাৰ দুই নং বৰবিলৰ কৃষক উমা গগৈৰ ছয় জনীয়া পৰিয়ালক। ঘটনা সন্দৰ্ভত কাকতিবাৰী আৰক্ষী থানাত গোচৰ ৰুজু হোৱাৰ পাছত আদালতৰ জৰিয়তে বিচাৰ প্ৰক্ৰিয়া আৰম্ভ হৈছিল যদিও আজিলৈকে ২৩ বছৰে ন্যায় নাপালে পৰিয়ালটোৰ জীৱিত কন্যাই। ইয়াৰ পৰিপ্ৰেক্ষিতত অতিশীঘ্ৰে এই দুৰ্ভগীয়া পৰিয়ালটোক উচিত ন্যায় প্ৰদানৰ দাবী উত্থাপন হৈছে সম্প্ৰতি।