নাৰায়ণপুৰ শিক্ষাখন্ডৰ অন্তৰ্গত তিনটিয়া আহঁতগুৰি উচ্চ মাধ্যমিক বিদ্যালয়ৰ ৭ গৰাকী ছাত্ৰ-ছাত্ৰীয়ে  National Means Cum Merit Scholarship 2021-22 চমুকৈ NMMS লাভৰ বাচনিত উত্তীৰ্ণ হ’বলৈ  সক্ষম হয় ৷ নাৰায়ণপুৰৰ অতি পিচপৰা অঞ্চলত অৱস্থিত বিদ্যালয়খনে শিক্ষাগুৰুসকলৰ অহোপুৰুষাৰ্থ চেষ্টাৰ ফলত প্ৰতি বছৰে শিক্ষাৰ মান উন্নত কৰাৰ লগতে ছাত্ৰ-ছাত্ৰীৰ সফলতাৰ হাৰ বৃদ্ধি পাবলৈ ধৰিছে ৷ সম্প্ৰতি বিদ্যালয়খনৰ পৰা ৰাষ্ট্ৰীয় জলপানি লাভ কৰিবলৈ সক্ষম হোৱা ছাত্ৰ-ছাত্ৰীসকল ক্ৰমে  মুস্তাক আলি , বিশ্বজিৎ ফুকন , এঞ্জেলিকা গগৈ , নীলাক্ষী গগৈ , মানস ফুকন , পংকজ প্ৰীতমজ্যোতি গগৈ আৰু জ্যোতিষ্মা বৰা ৷ বিদ্যালয়খনৰ ছাত্ৰ-ছাত্ৰীৰ বাবে এয়া বৃহৎ সফলতা ৷ সাতগৰাকী ছাত্ৰ-ছাত্ৰীৰ ৰাষ্ট্ৰীয় পৰ্যায়ৰ সফলতাত উৎফুল্লিত বিদ্যালয়ৰ শিক্ষাগুৰুসকলৰ লগতে ছাত্ৰ-ছাত্ৰীসকল ৷