উত্তৰাখণ্ডত প্ৰাকৃতিৰ তাণ্ডৱ।উত্তৰাখণ্ডত বানে লৈছে ভয়ংকৰ ৰূপ।উত্তৰাখণ্ডত পুনৰ ভয়াৱহ ডাৱৰ বিস্ফোৰণ। ডাৱৰ বিস্ফোৰণত তচনচ ৩০টাতকৈ অধিক গৃহ। ওফন্দি উঠিছে ৰাজ্যখনৰ লাস্কো আৰু কালী নৈ।ডাৱৰ বিস্ফোৰণৰ ফলত নিহত হৈছে এগৰাকী মহিলা। উত্তৰাখণ্ডৰ পিথোৰাগড় জিলাৰ ধাৰচুলাত সংঘটিত হৈছে এই ঘটনা। ডাৱৰ বিস্ফোৰণৰ ফলত সৃষ্টি হোৱা বানে বিধ্বস্ত কৰিলে উত্তৰাখণ্ডৰ বিভিন্ন অঞ্চল।আইএমডি য়ে আগন্তুক দুদিনৰ বাবে অৰেঞ্জ সতৰ্কবাণী জাৰী কৰিছে। দেওবাৰে আৰু সোমবাৰে ধাৰাষাৰ বৰষুণৰ ভৱিষ্যতবাণী কৰিছে।ঘটনাস্হলীত আৰক্ষীয়ে উদ্ধাৰ অভিযান চলাই আছে। আৰু লোকসকলক সুৰক্ষিত স্থানলৈ স্থানান্তৰ কৰা হৈছে ।