পশ্চিম দৰঙৰ পদ্মাঝাৰত থকা ঐতিহাসিক পদ্মাথান দেৱালয়। বিনন্দীয়া প্ৰাকৃতিক সৌন্দৰ্যৰে ভৰ-পুৰ পৌৰাণিক দেৱালয়খনৰ সৌন্দৰ্যত অধিক মাত্ৰা যোগাইছে দেৱালয়ৰ পুখুৰীত থকা মাছ আৰু কাছসমূহে। দেৱী পদ্মাৰ আৰাধনাৰ থলি এই দেৱালয়ত বছৰটোত সোঁত বয় অগণন ভক্তৰ। দেৱীৰ আশিষ বিচাৰি অহা ভক্তসকলে পুখুৰীত থকা মাছ আৰু কাছসমূহক খাদ্য দি সেইবোৰৰ জলকেলি উপভোগ কৰি মনোৰঞ্জন লাভ কৰিব পাৰে। আনবাৰৰ দৰে এইবাৰো পদ্মাথান দেৱালয়ত উলহ-মালহেৰে উৎযাপন কৰা হ'ব দুৰ্গাপূজা।