শুক্ৰবাৰে তিনিচুকীয়াৰ জিলা উপায়ুক্তৰ কাৰ্য্যালয়ৰ সভাকক্ষত জিলা প্ৰশাসনৰ সৈতে জিলা শিশু কল্যাণ আৰু সুৰক্ষা সমিতিৰ এখন গুৰুত্বপূৰ্ণ সভা অনুষ্ঠিত হয় ।
তিনিচুকীয়াৰ জিলা উপায়ুক্ত নাৰছিং পৱাৰৰ সভাপতিত্বত অনুষ্ঠিত সভাখনত জিলাখনৰ শিশু সকলৰ কল্যাণ আৰু সুৰক্ষাৰ বিভিন্ন দিশ সমূহৰ ওপৰত বিতং ভাৱে আলোচনা কৰে ।
সভাখনত তিনিচুকীয়াৰ জিলা উপায়ুক্ত গৰাকীৰ লগতে অতিৰিক্ত উপায়ুক্ত চৰফৰাছ হক , উপ আৰক্ষী অধীক্ষক হিৰণ্য কুমাৰ বৰা সহ জিলাখনৰ বিভিন্ন বিভাগৰ মুৰব্বী বিষয়া আৰু জিলা শিশু কল্যাণ আৰু সুৰক্ষা সমিতিৰ বিষয়া সকল উপস্থিত থাকে ।
