परभणी(प्रतिनिधी)राष्ट्रीय पात्रता प्रवेश चाचणी परीक्षेत झरी येथील अनुष्का नवनीत देशमुख या विद्यार्थिनीने घवघवीत यश संपादन केले आहे. तीने नीट परीक्षेत एकुण ७२० पैकी ६७५ गुण प्राप्त करत ऑल इंडिया रँकिंगमध्ये ११३४ वा क्रमांक मिळविला आहे. झरी येथील रहिवाशी असलेले शिक्षक नवनीत देशमुख यांची ती मुलगी असून लातूर येथील राजर्षि शाहू महाराज कॉलेजची विद्यार्थिनी आहे. तिच्या या यशाचे सर्वत्र कौतुक होत आहे.