સોશિયલ મીડિયામાં ફોલઅર્સ વધારવા માટે યુવાનો અવનવા કરતબો કરી રહ્યા છે.ત્યારે રેસકોર્સ રીંગ રોડ પર ગણેશ વિસર્જન માટે નીકળેલા યુવાનો પૈકી બે યુવાનોએ ચાલુ એક્સેસ પર ઊભા ઊભા હાથ ઉંચા કરી રોફ જમાવ્યો હતો.જો કે આ અંગે પોલીસ દ્વારા બંને શખ્સો સામે ગુન્હો નોંધી બન્નેની ધરપકડ કરી હતી.

રેસકોર્સ રીંગ રોડ જોખમી સ્ટંટ કરવા માટેનું મુખ્ય કેન્દ્ર સ્થાન હોય તેમ અવારનવાર આ રસ્તા પર યુવાનો ઇન્સ્ટાગ્રામ પર રીલ્સ બનાવવા માટે જિંદગી જોખમમાં મૂકી જોખમી સ્ટંટ કરતા નજરે પડતા હોય છે.ત્યારે વધુ એક વીડિયો સોશિયલ મીડિયામાં વાઇરલ થવા પામ્યો છે.ગઈકાલે એચ.એન.શુક્લા કોલેજ ગ્રુપ દ્વારા ગણપતિ વિસર્જનનું આયોજન કરવામાં આવ્યું.જેમાં વિસર્જન સમયે મોટી સંખ્યામાં યુવાનો રેલી સ્વરૂપે જોડાયા હતા.તે પૈકી બે યુવાનો ઉત્સાહમાં આવી એકસેસ પર ઉભા રહી જોખમી સ્ટંટ કરતા નજરે પડ્યા હતા.