সুধাকণ্ঠ ড০ ভূপেন হাজৰিকাৰ জন্ম দিৱস উদযাপন।
জনপ্ৰিয় কণ্ঠশিল্পী ৰাজীৱ শদিয়া, ইউৰেকা বৰুৱা আৰু লোহিত গগৈৰ লগতে কেইবাগৰাকীও অসমৰ জনপ্ৰিয় কণ্ঠশিল্পী উপস্থিত থাকে।
ডুমডুমা মহাবিদ্যালয় আৰু বীৰ ৰাঘৱ মৰাণ চৰকাৰী আদৰ্শ মহাবিদ্যালয়ৰ যৌথ উদ্যোগত তথা মানুহে মানুহৰ বাবে গোটৰ সাংস্কৃতিক আৰু প্ৰচাৰ বিভাগৰ সহযোগত সুধাকণ্ঠ ড০ ভূপেন হাজৰিকাৰ জন্ম দিৱস উদযাপন কৰা হয়।
ডুমডুমা মহাবিদ্যালয়ৰ কল্লোল প্ৰেক্ষাগৃহত উদযাপন কৰা সুধাকণ্ঠ ড০ ভূপেন হাজৰিকাৰ জন্ম দিৱসত মহান শিল্পী জনাক শ্ৰদ্ধাৰে সুঁৱৰি তেখেতৰ স্মৃতিৰাজিক জীপাল কৰি তোলাৰ উদ্দেশ্যৰে আজিৰ অনুষ্ঠানটো অনুষ্ঠিত কৰা হয়। জনপ্ৰিয় কণ্ঠশিল্পী ৰাজীৱ শদিয়া, ইউৰেকা বৰুৱা আৰু লোহিত গগৈৰ উপৰিও কেইবাগৰাকীও কণ্ঠশিল্পীৰ কণ্ঠত এক সংগীতৰ আনন্দ মুখৰ পৰিৱেশৰ লগত পাৰ কৰে মহাবিদ্যালয়ৰ অধ্যক্ষ, প্ৰবক্তা ছাত্ৰ ছাত্ৰী আৰু বহু শোভাকাংশী লোক।
