ওদালগুৰিত হাইস্কুল শিক্ষান্ত চূড়ান্ত পৰীক্ষাত ষ্টাৰ মাৰ্ক সহ উত্তীৰ্ণ হোৱা জিলা খনৰ ৪০২ গৰাকী কৃতি ছাত্ৰ- ছাত্ৰীলৈ আনন্দ ৰাম বৰুৱা বঁটা প্ৰদান।
সমগ্ৰ অসমৰ লগতে ওদালগুৰিতো কৃতি ছাত্ৰ ছাত্ৰীলৈ আনন্দৰাম বৰুৱা বঁটা প্ৰদান কৰা হয়।ওদালগুৰি জিলা প্ৰশাসন আৰু শিক্ষা বিভাগৰ উদ্যোগত ওদালগুৰি মহাবিদ্যালয়ৰ প্ৰেক্ষাগৃহত আয়োজিত বঁটা বিতৰণী অনুষ্ঠানত মুখ্য অতিথি হিচাপে উপস্হিত থাকে ওদালগুৰি জিলাৰ অবিভাৱক মন্ত্ৰী বিমল বৰাই কৃতি ছাত্ৰ- ছাত্ৰী সকলক এই বঁটা প্ৰদান কৰে। তেওঁ ছাত্ৰ ছাত্ৰী সকলক কৃতিত্বৰ বাৱে শুভেচ্ছা জনাই প্ৰজ্ঞা আৰু সাধনাৰে লক্ষত উপনীত কৰোৱাৰ লগতে পৰিয়ালৰ সপোনবোৰকলৈ জীৱনৰ ৰামধেনু আকিবলৈ আহ্বান জনায়।অনুষ্ঠানত মাজবাট সমষ্টিৰ বিধায়ক, বি টি আৰৰ কাৰ্যবাহী সদস্য নিলোৎ স্বৰ্গীৱাৰী আৰু দাওবৈচা বড়োৰ লগতে কেইবাগৰাকীও বিশিষ্ট ব্যক্তি অংশ গ্ৰহন কৰে। আজিৰ অনুষ্ঠানত ওদালগুৰি জিলাৰ মুঠ ৪০২ গৰাকী কৃতি ছাত্ৰ-ছাত্ৰীক বঁটা প্ৰদান কৰা হয়।
