ताडकळस पोलीस ठाण्यात आज मंगळवारी (दि.6) ताडकळस व परिसरातील हद्दीत येणार्या गणेश उत्सवानिमित्त शांतता कमिटीच्या बैठकीचे आयोजन करण्यात आले होते. यावेळी गणेश मंडळाचे कार्यकर्ते, लोकप्रतिनिधीं व ताडकळस पोलीस ठाण्याचे ठाणेदार विजय रामोड यांंच्या अध्क्षतेखाली शांतता कमिटीच्या बैठकीचे आयोजन करण्यात आले. यावेळी ताडकळसचे सरपंच गजानन आंबोरे, तंटामुक्ती अध्यक्ष सुधाकर आंबोरे, माजी सभापती रंगनाथ भोसले, रामपाल मुंदडा, सखाराम लासे यांच्यासह गणेश मंडळाचे कार्यकर्ते व पत्रकार गजानन नाईकवाडे, त्रिंबक खंदारे, शमीम पठाण हे उपस्थित होते. गणेशोत्सव विसर्जन साध्या पद्धतीने साजरा करा व विसर्जन शांतापूर्ण वातावरणात करावे व कायदा सुव्यवस्था अबाधित ठेवण्यासाठी पोलिसांना सहकार्य करावे. कायदा सुव्यवस्था भंग करणार्यांची गय केली जाणार नाही असे ठाणेदार विजय रामोड यांनी गणेश मंडळाच्या कार्यकर्त्यांना मार्गदर्शन करताना सांगितले. यावेळी पोलीस ठाण्याचे सहायक पोलिस निरीक्षक सय्यद यांनी मनोगत व्यक्त केले. यावेर्ळी पोलीस कर्मचारी देखील उपस्थित होते.
