শুকুৰবাৰে গুৱাহাটী মহানগৰীৰ মাজমজিয়াৰ পৰা সন্ধানহীন হোৱা অৰুণাচল প্ৰদেশৰ বিজেপি সাংসদ তাপিৰ গাৱৰ ভাতৃক অৱশেষত পাণবজাৰৰ মিনাৰ্ভা হোটেলৰ পৰা উদ্ধাৰ কৰিবলৈ সক্ষম হৈছে।
সাংসদগৰাকীৰ ভাতৃগৰাকীক উদ্ধাৰ কৰি আৰক্ষীয়ে দিছপুৰ থানালৈ লৈ আহি সোধা পোচা অব্যাহত ৰাখিছে।
শুকুৰবাৰৰ বিয়লিৰ পৰা কিয় মোবাইল অফ কৰি আত্মগোপন কৰি আছিল সেই কথা জানিব পৰা নাই যদিও সাংসদ ভাতৃগৰাকীৰ লগত থকা ৫ লাখ টকা কোনো দুষ্ট চক্ৰই লৈ যোৱা বুলি জানিব পৰা গৈছে।
ইফালে ঘটনা সন্দৰ্ভত দিছপুৰ আৰক্ষীয়ে এ এছ ২৫ চিচি ১০৯২ নম্বৰৰ কেবৰ গাড়ীৰ সৈতে চালকজনক আটক কৰিছে।
