કોડીનાર પંથકના અડવી ગામથી વેળવા ગામ સુધી હાઈવેમાં સી.સી.રોડ બની ગયો છે. પરંતુ આ રોડ પણ રોડ પૂરો થાય ત્યાં વેળવાથી માલગામ સુધીના હાઈવેનો રસ્તો અતિ બિસ્માર સ્થિતિમાં હોવાથી વાહન ચાલકો ત્રાહિમામ પોકારી ગયા છે. દરમ્યાન આજે વહેલી સવારે વેરાવળથી મચ્છી ભરેલ ટોરસ મોટો ટ્રક આ બિસ્માર હાઈવે ઉપરથી પસાર થઈ રહેલ હતો. તે સમયે વેળવા ગામના પાટીયા પાસે આવેલ ડ્રાયવર્ઝનમાં પડેલા મસ મોટા ખાડાઓને તારવીને પસાર થઈ રહેલ તે સમયે જ ચાલકે ટ્રકનું સંતુલન ગુમાવતા આ ટોરસ ટ્રક નંબર GJ 12 AY 4514 ધડામ જેવા ધડાકા અવાજ સાથે પલટી મારી ગયો હતો. આ અવાજ એટલો મોટો હતો કે ત્યાં આસપાસમાં રહેતા લોકો કે જે ઘરમાં સુતેલા તે સફાળા જાગી ગયા હતા. સદનસીબે કોઈને મોટી જાનહાની થઈ ન હતી.
