মৰাণত ভাৰতীয় জনতা পাৰ্টিৰ যোগদান কাৰ্য্যসূচী অনুষ্ঠিত হয় । মৰাণৰ তিলৈ নগৰ বহুমুখী ৰাজহুৱা প্ৰেক্ষাগৃহত অনুষ্ঠিত হোৱা এক সভাত অসম চৰকাৰৰ কেবিনেট মন্ত্ৰী যোগেন মহন আৰু মৰাণ সমষ্টিৰ বিধায়ক চক্ৰধৰ গগৈ উপস্থিত থাকে । বিজেপিৰ খোৱাং আৰু লৰুৱা মণ্ডলৰ উদ্যোগত অনুষ্ঠিত হোৱা এই যোগদান কাৰ্য্যসূচীত কংগ্ৰেছ দলৰ বহু কৰ্মীয়ে বিজেপিত যোগদান কৰে । বিধায়ক চক্ৰধৰ গগৈয়ে দাবী কৰা মতে প্ৰায় দুই হাজাৰ লোকে শাসকীয় দলটোত যোগদান কৰিছে । মনকৰিবলগীয়া যে একেটা প্ৰেক্ষাগৃহতে দুদিনমানৰ পূৰ্বে আম আদমি পাৰ্টীত বহু সংখ্যক লোকে যোগদান কৰিছিল । আপৰ এই যোগদান কাৰ্য্যসূচীক লৈ মৰাণত ব্যাপক চৰ্চা হোৱাও দেখিবলৈ পোৱা গৈছিল