গুৱাহাটী মহানগৰীত চাঞ্চল্যকৰ অপহৰণ কাণ্ড। মহানগৰীৰ মাজমজিয়াৰ পৰা নিৰুদ্দেশ হৈছে অৰুণাচলৰ সাংসদ তাপিৰ গাঁৱৰ ভাতৃ।
বৃহস্পতিবাৰে ব্যৱসায়িক কাম–কাজৰ বাবে অৰুণাচলৰ পৰা গুৱাহাটীলৈ আহিছিল সাংসদগৰাকীৰ ভাতৃ তাহং গাও৷
কিন্ত শুকুৰবাৰে তাহঙে গণেশগুৰিলৈ ওলাই আহি এজন বন্ধুক সাক্ষাত কৰাৰ পিছৰে পৰা নিৰুদ্দেশ হৈ পৰে। বিয়লি প্ৰায় ৩ বাজি ৩০ মিনিটৰ পৰা তেওঁৰ মোবাইল বন্ধ হৈ আছে।
ইফালে পৰিয়ালৰ লোকে অপহৰণৰ সন্দেহত দিছপুৰ আৰক্ষী থানাত এখন এজাহাৰ দাখিল কৰিছে। বৰ্তমান আৰক্ষীয়ে ঘটনাৰ তদন্ত আৰম্ভ কৰিছে।
