বৰডুমচা আৰক্ষী থানা ঘেৰাওঁ কায্যসূচি থলীৰ পৰা ছাত্ৰ মুক্তি সংগ্ৰাম সমিতি তিনিচুকীয়া জিলা সমিতিৰ সাধাৰণ সম্পাদক উমানন্দ মুদৈ মৰাণৰ প্ৰতিক্ৰিয়া।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
তিনিচুকীয়াৰ বৰডুমচা আৰক্ষী থানা ঘেৰাও কৰি উত্তাল প্ৰতিবাদ শ-শ মহিলাৰ ।
"অসম পুলিচ হায়-হায়, ড্ৰাগচ মাফিয়াক এৰেষ্ট কৰক" ধ্বনিৰে উত্তাল বৰডুমচাৰ আকাশ-বতাহ ।
ৰাজ্যত আৰক্ষীয়ে ড্ৰাগছ বিৰুধী অভিযান যিমানেই চলাই থাকিলেও কিন্তু সিমান্তৱৰ্তী অঞ্চলসমূহত বৰ্তমানেও আৰক্ষীৰ নাকৰ তলতেই মুকলিকৈ চলিয়েই আছে মাৰাত্মক ড্ৰাগছৰ অবৈধ বেহা । তিনিচুকীয়া জিলা বিশেষকৈ অসম-অৰুণাচল সিমান্তৱৰ্তী পেঙেৰী, বৰডুমচা আদি অঞ্চলত অবৈধ মাদক দ্ৰব্যৰ সমান্তৰালকৈ চলিছে মাৰাত্মক তথা নিষিদ্ধ ড্ৰাগছ-কানিৰ ৰমৰমীয়া ব্যৱসায় । এনে দ্ৰব্য সেৱন কৰি পংগু হৈছে এই অঞ্চলৰ বহু নৱ-প্ৰজন্ম । আনকি মৃত্যু প্ৰজন্ত হৈছে কম বয়সীয়া স্কুলীয়া ছাত্ৰৰ । তাৰ পাছতো যেন গা নলৰে আৰক্ষী প্ৰশাসনৰ । যাৰ প্ৰতিবাদত ড্ৰাগছ-কানিৰ লগতে নিচাজাতীয় দ্ৰব্যৰ প্ৰচলন বন্ধৰ দাবীত ছাত্ৰ মুক্তি সংগ্ৰাম সমিতি বৰডুমচা-পেঙেৰী আঞ্চলিক সমিতিৰ উদ্যোগত উলাই আহিল বৃহত্বৰ বৰডুমচাৰ অঞ্চলৰ শতাধিক পুৰুষ-মহিলা । শুক্ৰ বাৰে প্ৰতিবাদকাৰী সকলে পদযাত্ৰা কৰি বৰডুমচা আৰক্ষী থানাত উপস্থিত হৈ থানা ঘেৰাও কৰি উত্তাল প্ৰতিবাদ সাব্যস্ত কৰে ৷ উল্লেখ্যযোগ্য যে, প্ৰতিবাদকাৰী ৰাইজে মাৰাত্মক নিচাযুক্ত দ্ৰব্য ড্ৰাগছ, কানি, সুৰা ইত্যাদি উৎখাত কৰাৰ বাবে পূৰ্বৰে পৰাই আৰক্ষী প্ৰশাসনক দাবী জনাই আহিছিল ৷ কিন্তু আজি পৰ্যন্ত এই অঞ্চলসমূহত নিচাযুক্ত দ্ৰব্যৰ প্ৰচলন বন্ধ নহ’ল । যাৰ পৰিণতিত কিছুদিনৰ আগতে তিনিচুকীয়া জিলাৰ টেকেৰি গাঁৱৰ এজন ফুলকুমলিয়া নৱম শ্ৰেণীৰ ছাত্ৰগৰাকীৰ মৃত্যু হৈছিল । পেঙেৰী, বৰডুমচা, বুঢ়িদিহিং, ফিল'বাৰী, আদিৰ দৰে অঞ্চলত দৈনিক অবাধ হাৰত নিচাজাতীয় দ্ৰব্য প্ৰচলনে ভয়ংকৰ পৰিবেশ সৃষ্টি কৰিছে ।
