ৰঙাগড়া চাহ বাগিছাৰ কাৰখানাত কৰ্মৰত অৱস্থাত মেচিনত ভৰি সোমাল দীপক ভূঞা নামৰ এগৰাকী কিশোৰ শ্ৰমিকৰ ৷ যোৱা ২৫ আগষ্টৰ নিশা দহ বজাত সংঘটিত হৈছিল ঘটনাটো । বৰ্তমান গুৱাহাটীৰ এপ'ল' হস্পিতালত চিকিৎসাধীন শ্ৰমিকজন । বৰ্তমান সমগ্ৰ ঘটনা পোহৰলৈ অহাৰ লগে লগে সৃষ্টি হৈছে তীব্ৰ প্ৰতিক্ৰিয়াৰ। অসম চাহ জনজাতি ছাত্ৰ সন্থা, গোলাঘাট জিলাৰ সমিতিয়ে কিশোৰ শ্ৰমিক গৰাকীৰ সকলোধৰনৰ সহায়ক হোৱাকৈ ব্যৱস্থা গ্ৰহণ কৰিবলৈ দাবী জনাইছে বাগিছা কৰ্তৃপক্ষক। স্মাৰক পত্ৰ প্ৰদান কৰি দীপক ভূঞাক ১৫ লাখ টকাৰ এককালীন সাহায্য প্ৰদান আৰু আজীৱন বেতন প্ৰদান আদি কেইবাটাও দাবী উত্থাপন কৰিছে ।