গোলাঘাটত চৰকাৰী শিক্ষা খণ্ডত চৰকাৰে গ্ৰহণ কৰিবলৈ লোৱা প্ৰস্তাৱিত শিক্ষানীতিৰ বিৰুদ্ধে প্ৰতিবাদত বহিল ছাত্ৰ মুক্তি সংগ্ৰাম সমিতি। অসম চৰকাৰে গ্ৰহণ কৰা অসমীয়া ভাষা আৰু চৰকাৰী শিক্ষাখণ্ড বিৰোধী সিদ্ধান্ত বাতিল কৰা আৰু চৰকাৰী শিক্ষাখণ্ড ৰক্ষা কৰাৰ দাবীত আজি গোলাঘাট নগৰৰ মাজমজিয়াৰ জিলা উপায়ুক্ত কাৰ্যালয়ৰ সন্মুখত প্ৰতিবাদ সাব্যস্ত কৰে। ছাত্ৰ মুক্তি সংগ্ৰাম সমিতিৰ, গোলাঘাট জিলা সমিতিয়ে। সংগঠনটোৱে চৰকাৰৰ এই হঠকাৰী সিদ্ধান্তৰ বিৰুদ্ধে ৫ ঘণ্টীয়া অৱস্থান ধৰ্মঘট কাৰ্যসূচী ৰূপায়ণৰ জৰিয়তে তীব্ৰ প্ৰতিবাদ সাব্যস্ত কৰে। সংগঠনটোৰ কৰ্মীসকলে চৰকাৰ বিৰোধী বিভিন্ন শ্ল’গানেৰে পৰিৱেশ উত্তাল কৰি তোলে।