প্ৰতিবেদক, পশ্চিম যোৰহাটঃ- যোৰহাট তৰাজান সোণাৰি গাঁও ২ নং পথৰ নিবাসী, স্বৰ্ণ শিল্পী, বায়ন, অভিনেতা, খেলুৱৈ, অনুষ্ঠানৰ প্ৰতি হাবিয়াস থকা বৈষ্ণৱ সংস্কৃতিৰ সাধক যোগেন চন্দ্ৰ বৰদলৈক বাসগৃহতে ৩১ আগষ্টত কলিতা জনগোষ্ঠী সন্মিলন তৰাজানৰ কৰ্মীসকলে সম্বৰ্ধনা জনায়। সম্বৰ্ধনাত আছে চেলেং, গামোচা, সফোঁৰা আৰু বিভিন্ন উপহাৰ। ৮৫ বছৰীয়া শিল্পীজন সয্যাগত। ধৰ্মেশ্বৰ বৰদলৈৰ সভাপতিত্বত অনুষ্ঠিত সভাৰ আঁত ধৰে সম্পাদক অঞ্জন বৰদলৈয়ে। যোগেন চন্দ্ৰ বৰদলৈৰ কৰ্মময় জীৱন, সমাজলৈ অৱদানৰ সম্পৰ্কত জিলা সন্মিলনৰ সভাপতি জীতেন শইকীয়া, সম্পাদক কেশৱ বৰদলৈ, তৰাজান সন্মিলনৰ উপেন্দ্ৰজিৎ মহন্ত, উমেশ বৰদলৈ, তপন বৰদলৈ, উপেন বৰদলৈ প্ৰমুখ্যে বিভিন্নগৰাকীয়ে বক্তব্যত উল্লেখ কৰে। যোগেন চন্দ্ৰ বৰদলৈৰ পত্নী, চাৰিজন পুত্ৰ-বোৱাৰী, নাতি-নাতিনীৰ লগতে আত্মীয় আৰু স্থানীয় লোকসকল সম্বৰ্ধনাৰ সময়ত উপস্থিত থাকে।
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
