રાજકોટ: શહેરમાં રહેતા એક વૃદ્ધા તેમના પુત્રવધુના ભાઈના ઘરે પાલિતાણા રોકાવા ગયેલા, જે પછી વૃદ્ધાનો પુત્ર અને તેના પુત્રવધુ તેમને લેવા પાલિતાણા પહોંચ્યાં તે પહેલાં જ પુત્રવધુનો ભાઈ નશાની હાલતમાં હોય તેણે વૃદ્ધાને એકલા રાજકોટની બસમાં બેસાડી દીધા હતા. જેથી વૃદ્ધાના પુત્રને જાણ થતાં તેમણે 181 અભયમ ટીમની મદદ લીધી હતી, બીજીતરફ રાજકોટ પહોચી ગયેલા વૃદ્ધા ત્રણ - ચાર કલાકથી બસ સ્ટેશન ખાતે રાહ જોઈ એકલા બેઠા હોય જાગૃત નાગરિકે 181માં જાણ કરતા કાઉન્સિલર રાધિકા અસારી અને કોન્સ્ટેબલ પારૂલબેન સ્થળ પર પહોંચ્યા હતા અને વૃદ્ધાને સહી સલામત તેમના ઘરે પહોંચાડી પુત્ર અને પુત્રવધુ સાથે મિલન કરાવ્યું હતું.