रस्ता दुरुस्त करण्याची नागरिकांकडून मागणी.
प्रतिनिधी
वाघोली (ता.हवेली) येथील वडजाईला जाणाऱ्या रस्त्याची दुरावस्था झाली आहे. रस्त्यावर ठिकठिकाणी खड्डे पडले आहेत. वाहन चालकांना व नागरिकांना मार्गक्रमण करताना या रस्त्यावर कसरत करावी लागते. सदर रस्ता तातडीने दुरुस्त करण्याची मागणी प्रवासी नागरिक करत आहेत.
या रस्त्यावरुन विद्यार्थी सायकलवर जात असताना जर मोठे वाहन आले तर खड्यांमुळे अपघात होण्याची भीती आहे. काही ठिकाणी रस्त्यावरील डांबर व खडी पूर्णपणे निघून गेलेली आहे. यामुळे छोटे मोठे अपघात होण्याची शक्यता नाकारता येत नाही. वडजाई येथे प्रसिद्ध दत्त व भालचंद्र बाबा मंदिर असून गुरुवारी या रस्त्याला रात्रीच्या वेळी भाविक-भक्तांची खूप वर्दळ असते. वडजाई दत्तविहार येेथील विद्यार्थी,नोकरी व व्यवसाय करणारे नागरीक याच रस्त्याचा वापर करतात.यामुळे हा रस्ता दळणवळणाच्या दृष्टीने वर्दळीचा आहे. तरी संबंधित विभागाने याकडे लक्ष द्यावे व रस्ता दुरुस्त करावा अशी मागणी वडजाई,दत्तविहार येथील नागरिकांच्या वतीने केली जात आहे.
"अनेक ठिकाणी या रस्त्यावर मोठ-मोठे खड्डे पडले असून काही ठिकाणी रस्ता खूप खराब झाला असून याचा त्रास दररोज प्रवास करताना सहन करावा लागतो."
*प्रवासी नागरिक*
