শেহতীয়াকৈ মাজুলীত শিশু অপহৰণ তথা বিভিন্ন অসামাজিক কাৰ্যকলাপ বৃদ্ধি পোৱা ঘটনাত প্ৰতিক্ৰিয়া প্ৰকাশ কৰিছে বীৰ লাচিত সেনা মাজুলী জিলা সমিতিয়ে। বীৰ লাচিত সেনা মাজুলী জিলা সমিতিৰ এক কাৰ্যনিৰ্বাহ সভা জেংৰাইমুখ পৰিদৰ্শন বাংলাত অনুষ্ঠিত সভাত মাজুলীৰ শেহতীয়া বিভিন্ন পৰিস্থিতি সন্দৰ্ভত পৰ্যালোচনা কৰে। এই সভাত লোৱা প্ৰস্তাৱ অনুসৰি এটা সপ্তাহৰ ভিতৰত মাজুলীত সংঘটিত হোৱা শিশু অপহৰণ তথা বিভিন্ন অসামাজিক কাৰ্যকলাপৰ ওপৰত তীক্ষ্ণ নজৰ ৰখা,মাজুলীৰ বাহিৰৰ পৰা অহা শ্ৰমিকসকলৰ ওপৰত তথ্য সংগ্ৰহ কৰা আৰু আৰক্ষী প্ৰশাসনৰ নিয়মীয়া পেট্ৰলিং তথা মাজুলীৰ প্ৰতিটো গাঁওৰক্ষী বাহিনী লোকক সক্ৰিয় কৰা আদি তিনিটা দাবী সম্বলিত স্মাৰক পত্ৰ জেংৰাইমুখ আৰক্ষী বিষয়াৰ হাতত প্ৰদান কৰে। এই কাৰ্যসূচী বীৰ লাচিত সেনা মাজুলী জিলা সমিতিৰ সভাপতি বিনোদ দলে আৰু সম্পাদক সঞ্জিত অসম বৰাৰ নেতৃত্বত যোৱা এটা প্ৰতিনিধি দলে অংশগ্ৰহণ কৰে।