બિલ્કિસ બાનો કેસમાં સુપ્રીમ કોર્ટ દ્વારા કેન્દ્ર અને ગુજરાત સરકારને નોટિસ પાઠવી છે.

બિલ્કિસ બાનો કેસમાં દોષિતોને છોડવા મુદ્દે થયેલી અરજીમાં સુપ્રીમ કોર્ટે કેન્દ્ર અને રાજ્ય સરકારને નોટિસ ફટકારી છે. આ મામલે બે સપ્તાહ બાદ સુનાવણી થશે.

બિલ્કીસ બાનો કેસના દોષિતોની મુક્તિ સામેની અરજી પર આજે સુપ્રીમ કોર્ટમાં સુનાવણી થઈ હતી. બંને પક્ષોની દલીલો સાંભળ્યા બાદ સુપ્રીમ કોર્ટે ગુજરાત સરકારને નોટિસ ફટકારી છે, સાથે જ તમામ ગુનેગારોને પક્ષકાર બનવાનો નિર્દેશ આપ્યો છે. હવે આ કેસની આગામી સુનાવણી બે સપ્તાહ બાદ હાથ ધરાશે. જણાવી દઈએ કે ગોધરાકાંડ બાદ ગુજરાતમાં તોફાનો ફાટી નીકળ્યા હતા અને આ રમખાણો દરમિયાન બિલકિસ બાના પરિવારના સાત સભ્યોના મોત થયા હતા. એટલું જ નહીં, તોફાનીઓએ બિલ્કીસ બાનો પર પણ ગેંગરેપ કર્યો હતો.

21 જાન્યુઆરી, 2008ના રોજ, મુંબઈની વિશેષ સીબીઆઈ કોર્ટે હત્યા અને સામૂહિક બળાત્કારના કેસમાં તમામ 11 આરોપીઓને આજીવન કેદની સજા ફટકારી હતી. બાદમાં બોમ્બે હાઈકોર્ટે તેની સજા યથાવત રાખી હતી.
આ દોષિતોએ 15 વર્ષથી વધુ સમય સુધી જેલમાં હતા, ત્યારબાદ તેમાંથી એકે તેની અકાળે મુક્તિ માટે સુપ્રીમ કોર્ટનો સંપર્ક કર્યો હતો. સર્વોચ્ચ અદાલતે ગુજરાત સરકારને 1992ની નીતિ મુજબ તેની દોષિત ઠરાવવાની તારીખે તેની સજા માફ કરવાના મુદ્દા પર ધ્યાન આપવાનો નિર્દેશ આપ્યો હતો. આ પછી, સરકારે એક સમિતિની રચના કરી અને તમામ દોષિતોને સમય પહેલા મુક્ત કરવાનો આદેશ જારી કર્યો