অসম জাতীয়তাবাদী মহিলা পৰিষদৰচিচিবৰগাওঁ আঞ্চলিকৰ পুৰ্ণাংগ সমিতি গঠন
অসম জাতীয়তাবাদী যুৱ পৰিষদৰ ভগ্নী সংগঠন অসম জাতীয়তাবাদী মহিলা পৰিষদৰ চিচিবৰগাওঁ আঞ্চলিক সমিতি গঠনৰ উদ্দেশ্যেৰে আজি চিচিবৰগাওঁ সাধনি ভৱনত এখনি গুৰুত্বপূৰ্ণ সাংগঠনিক সভা অনুষ্ঠিত হয়।
এ জে ৱাই পিৰ ধেমাজি জিলা সমিতিৰ সভাপতি সঞ্জীৱ চেতিয়াই সভাপতিত্ব কৰা সভাত উদেশ্যে ব্যাখ্যা কৰে জিলা সম্পাদক ত্ৰিলোক্য তামুলীয়ে । সভাত সাংগঠনিক দিশৰ ওপৰত বহল আলোচনা কৰাৰ অন্তত সভাৰ সন্মতি ক্ৰমে দীপালী চুতীয়াক সভানেত্ৰী, মৌচুমী কোৱৰক সম্পাদিকা হিচাপে লৈ এখনি শক্তিশালী ২১ জনীয়া জাতীয়তাবাদী মহিলা পৰিষদৰ চিচিবৰগাওঁ আঞ্চলিক সমিতি গঠন কৰা হয়। সভাত অসম জাতীয়তাবাদী যুৱ পৰিষদৰ কেন্দ্ৰীয় সভাপতি উজ্বল কুমাৰ চুতীয়া কেধৰি সংগঠনটোৰ ধেমাজি জিলা সমিতিৰ বিষয়ববীয়াৰলগতে অঞ্চলটোৰ বহু গণ্য মান্য ব্যক্তি উপস্থিত থাকে।
