वायर गळ्याला अडकुन एकाचा मुत्यू

कौसडी येथील घटना

प्रतिनिधी:-जिंतूर तालुक्यातील कौसडी येथे एका व्यक्तीच्या गळ्याला वायर अडकून मुत्यू झाल्याची घटना शुक्रवार दिं.19 ऑगस्ट रोजी सांय 4 वाजेच्या दरम्यान घडली.

येथील बहिरट गल्लीत वास्तव्य करनारे मुंजाभाऊ माणिकराव बहिरट वय 35 वर्षे हे नित्यनेमा प्रमाणे आपल्या राहत्या घराच्या बाहेर पडत असताना घरात लोंबकाळलेल्या अवस्थेत असलेले वायर त्यांच्या गळ्याला अडकुन ते खाली जमीनीवर कोसळून त्यांचा जागीच मृत्यू झाला.घडलेल्या घटनेची माहिती बोरी पोलीस ठाण्यात कळताच सहाय्यक पोलीस निरीक्षक वंसत मुळे आपल्या सहकार्या समवेत घटनास्थळी दाखल झाले.

घडलेल्या घटनेची चौकशी करुन मुत्यू देह शवविच्छेदनासाठी बोरी ग्रामिण रुग्णालयात पाठवण्यात आला.शवविच्छेदन झाल्या नंतर मुत्यू देह परिवाराच्या स्वाधीन करुन बोरी पोलीस ठाण्यात अकस्मात मुत्यू नोंद करण्यात आली.

शनिवार दिं.20 ऑगस्ट रोजी दुपारी 01 वाजता मुंजाभाऊ बहिरट यांच्या वर अंत्यसंस्कार करण्यात आले.त्यांच्या पश्चात वडिल,पत्नी,मुले,भाऊ असा परीवार आहे.घडलेल्या घटनेमुळे गावातुन हळहळ व्यक्त करण्यात येत आहे.