ગુજરાત વિધાનસભા ચૂંટણીને હવે ગણતરીના મહિનાઓ બાકી છે, ત્યારે દરેક રાજકીય પાર્ટી ચૂંટણી જીતવા કમરકસી રહી છે. ભાજપે 182 સીટ પર જીત હાંસલ કરવા તૈયારીઓ શરૂ કરી છે. PM મોદી અને અમિત શાહ સહિતના નેતાઓની ગુજરાત મુલાકાત વધી રહી છે, હવે ભાજપના રાષ્ટ્રીય સંગઠન મહામંત્રી બી.એલ. સંતોષ આજે ગુજરાત આવવાના છે. પ્રદેશ ભાજપ કાર્યાલય ખાતે બી.એલ. સંતોષ વિવિધ બેઠકો કરશે. જેમાં પ્રદેશ મોર્ચાથી લઈ પ્રદેશ નેતાઓ સુધી અલગ- અલગ બેઠક યોજાશે.
- ચૂંટણી પહેલાં એક્શન મોડમાં ભાજપ
- રાષ્ટ્રીય સંગઠન મહામંત્રી આજે ગુજરાતના પ્રવાસે
- બી.એલ.સંતોષ આવશે ગુજરાત
- આજે કમલમમાં જામશે બેઠકનો દોર
- વિવિધ મોરચાની યોજાશે બેઠક
આ તમામ બેઠક પ્રદેશ અધ્યક્ષ સી. આર. પાટીલની અધ્યક્ષતામાં યોજાવા જઈ રહી છે. તો મુખ્યપ્રધાન ભૂપેન્દ્ર પટેલ પણ બેઠકોમાં ઉપસ્થિતિ રહેવાના છે. આજે સાંજે મુખ્યપ્રધાન નિવાસસ્થાને કોર ગ્રુપની પણ બેઠક યોજાશે. જેમાં વિધાનસભાની ચૂંટણીઓને લઈ કોર ગ્રુપમાં ચર્ચા કરવામાં આવશે.
