আজি শ্ৰীকৃষ্ণৰ জন্মোৎসৱ ৷ ৰাজ্যৰ প্ৰান্তে প্ৰান্তে উদ্‌যাপন কৰা হৈছে শ্ৰীকৃষ্ণৰ জন্মোৎসৱ ৷ দৰঙৰ ঐতিহাসিক শ্ৰীশ্ৰীশিয়লা বৈষ্ণৱ, দেওমৰনৈ সত্ৰতো শ্ৰীকৃষ্ণৰ জন্মোৎসৱটি উলহ মালহেৰে পালন কৰা হয় ৷ খৃষ্টীয় দশম শতিকাতে প্ৰতিষ্ঠা হোৱা ঐতিহাসিক সত্ৰখনলৈ আজি পুৱাৰে পৰা অগনন ভক্তই ভিৰ কৰা পৰিলক্ষিত হয় ৷ হৰিৰ নামেৰে মুখৰিত হৈ পৰে সত্ৰৰ চৌপাশ ৷ ভক্তসকলে নিজৰ নিজৰ অভিষ্ট সিদ্ধিৰ বাবে শৰাই নৈবদ্য আগবঢ়াই শিয়ালা গোসাইক অৰ্চণা কৰে ৷ জন্মোৎসৱৰ লগত সংগতি ৰাখি পুৱা ভাগৱত পাঠ, গছপুলি ৰোপন, আয়তীসকলৰ নাম প্ৰদৰ্শনৰ লগতে “বৈষ্ণৱ ধৰ্মৰ মতবাদত শ্ৰীশ্ৰীশিয়ালা বৈষ্ণৱৰ ভূমিকা” শীৰ্ষক আলোকপাত অনুষ্ঠান অনুষ্ঠিত হয় ৷