अमरावती  शहरातील फ्रेजरपुरा पोलीस ठाण्याच्या हद्दीत येणाऱ्या मुदलीयार नगर परिसरातून एका महिलेचे मंगळसूत्र चोरी प्रकरणात पोलीसांनी दोन आरोपींना अटक केली आहे . यात चोरीत सहभागी आरोपी व सोने खरेदी करणाऱ्याचा समावेश आहे . अब्बास इबादत शेख , भुसावळ , जिल्हा . जळगांव ) असे मंगळसूत्र हिसकणाऱ्या तर जाबीर शहा मस्जीद शहा काजी प्लॉट , भुसावळ असे सोने खरेदी करणाऱ्या व्यक्तीचे नाव आहे . मुदलीयार नगर परिसरातील ५७ वर्षीय महिला घरी परत जात असतांना मुदलीयानगर परिसरात दुपारी चार वाजताचे सुमारास दोन दुचाकीस्वारांनी त्यांच्या गळ्यातील १० ग्रॅम वजनाचे सोन्याचे मंगळसूत्र हिसकून नेले होते . आरोपी सुसाट गतीने जात असतांना त्यांचे दुचाकीवरील नियंत्रण सुटले होते . दुचाकी रस्त्यावर पडल्यामुळे आरोपी दुचाकी सोडून पळाले होते . आरोपींनी ४० हजार रूपये किंमतीचे मंगळसूत्र चोरून नेल्याप्रकरणी पोलीसांनी अज्ञात आरोपीविरोधात भादंविच्या कलम ३९२ , ३४ अन्वये गुन्हा दाखल केला होता . याप्रकरणाचा तपास पोलीसांनी तांत्रिक पद्धतीने केला सायबर क्राईम यांचे मदतीने संशयीत आरोपी अब्बास इबादत शेख यास ताब्यात घेण्यात आले .