জয়পাল পাৰৰ উদীয়মান যুৱকযুৱতীসকলৰ উমৈ হতীয়া মঞ্চ জয়পাল যুৱক সংঘই অঞ্চলটোৰ কৃতিমান ছাত্ৰ ছাত্ৰী সকলক' স্বাধীনতা দিৱস উপলক্ষে জনালে অভিন্দন । ২৭গৰাকী কৃতিমান ছাত্ৰ ছাত্ৰীক যুৱক সংঘৰ তৰফৰ পৰা মানপত্ৰ ফুলাম গামোচা গন্থ আদিৰে অভিনন্দন জনোৱা হয় ।গাওঁখনৰেই সচেতন ব্যক্তি তথা ছিপাঝাৰ মহাবিদ্যালয়ৰ উপাধ্যক্ষ ৰামচন্দ্ৰ ডেকাই সঞ্চালনা কৰা সভাখন উদ্ধোধন কৰে দৰঙী কলাকৃষ্ট্ৰি উন্নয়ন সংঘৰ সভাপতি"কুলেন্দ্ৰ নাথ ডেকাই " । জয়পাল যুৱক সংঘৰ সভাপতি ৰেজাউল হক আৰু ছিপাঝাৰ উচ্চতৰ মাধ্যমিক আৰু বহুমুখী বিদ্যালয়ৰ শিক্ষক ইকবাল ৰছিদে আঁত ধৰা গাম্ভিৰ্যপূৰ্ণ অনুষ্ঠানটোত মুখ্য অতিথি হিচাপে উপস্থিত থাকে কটন বিশ্ববিদ্যালয়ৰ দৰ্শন বিভাগৰ মুৰব্বী অৱসৰী অধ্যাপিকা মিনতি বৰঠাকুৰ ।আনহাতে ৰাষ্ট্ৰীয় কৃতি শিক্ষকৰ বঁটা প্ৰাপক শশাংক হাজৰিকা , ছিপাঝাৰ উচ্চতৰ মাধ্যমিক আৰু বহুমুখী বিদ্যালয়ৰ অধ্যক্ষ আব্দুল লতিফ, জয়পাল যুৱক সংঘৰ উপদেষ্টা আৰজেদ হুছেইন চহৰীয়াৰ লগতে বহু কেইগৰাকী সমাজৰ নেতৃস্থানীয় ব্যক্তি সভাখনত উপস্থিত থাকে । সম্বৰ্ধনা সভাৰ আগতে ৰাতিপুৱাৰ ভাগত শ্বহীদক স্মৰণ , বৃক্ষ ৰোপন, ছাত্ৰ ছাত্ৰী সকলৰ মাজত চিত্ৰাংকন প্ৰতিযোগীতাও অনুষ্ঠিত কৰা হয় ।