હાઇકોર્ટની લાલ આંખ સામે AMCનો એસ્ટેટ વિભાગ જાગી ગયો!

અમદાવાદમાં રોડ-રસ્તા અને મહાનગરમાં આડેધડ પાર્કિંગ સામે ગુજરાત હાઇકોર્ટ લગભગ પ્રતિવર્ષ મહાપાલિકાના મ્યુનિસિપલ કમિશનર અને શહેર પોલીસ કમિશનર સામે વ્યવસ્થાના અભાવે લાલ આંખ કરે છે. અમદાવાદ મહાપાલિકામાં અત્યારે કોઈ પદાધિકારી નથી પણ એસ્ટેટ વિભાગ કાળઝાળ ગરમીમાં નાગરિકોના ખીસા હળવા કરવા અને કામગીરી ગંભીરતા પૂર્વક દાખવવા મેદાને પડ્યો છે. દરમિયાન,AMCએ શહેરના સાતેય ઝોનમાં જાહેર માર્ગો, હાઈવે અને વ્યસ્ત વિસ્તારોમાંથી દબાણો દૂર કરીને ટ્રાફિક વ્યવસ્થાને વધુ સુવ્યવસ્થિત બનાવવાનો પ્રયાસ કર્યો છે. આ દરમિયાન કોર્પોરેશન દ્વારા કુલ રૂ. 8,39,900નો દંડ પણ વસૂલવામાં આવ્યો હતો.અમદાવાદ શહેરની ટ્રાફિકની સમસ્યાને સરળ બનાવવા માટે અમદાવાદ મ્યુનિસિપલ કોર્પોરેશનના એસ્ટેટ વિભાગ દ્વારા જાહેર માર્ગો પરથી સતત દબાણો હટાવવાની સઘન કામગીરી કરવામાં આવી રહી છે. જે અંતર્ગત સાતેય ઝોનના રોડ પરના દબાણ અને જાહેર માર્ગો પર વધતા શહેરવ્યાપી ગેરકાયદેસર દબાણોને હટાવવામાં આવ્યા હતા