ડીસા ના આખોલ ગલાલપુરા થી સગીરાનું અપહરણ

લગ્નની લાલચે ભગાડી જનાર શખ્સ સામે ગુનો દાખલ..

ડીસા તાલુકાના આખોલ ગલાલપુરા ગામેથી 13 વર્ષ અને 8 માસ ની સગીરા નું અપહરણ થયું છે, લગ્નની લાલચ આપીને સગીરા ને ભગાડી જનાર શખ્સ સામે ડીસા રૂરલ પોલીસ મથકે ગુનો નોંધવામાં આવ્યો છે, સગીરા ના પાલક પિતાએ આ અંગે ફરિયાદ નોંધાવી છે..

પ્રાપ્ત માહિતી અનુસાર, આખોલ ગલાલપુરા ખાતે ગત 4 મે, 2026 ના રોજ રાત્રિના સમયે સગીરા ઘર ની ઓસરીમાં સૂતી હતી, બીજા દિવસે વહેલી સવારે તે પોતાના ખાટલામાં મળી આવી ન હતી, પરિવાર જનો એ સગા-સંબંધીઓ અને આસ-પાસ ના વિસ્તારમાં તપાસ કરી, પરંતુ તેની કોઈ ભાળ મળી ન હતી..

શોધખોળ દરમિયાન જાણવા મળ્યું કે તે જ ગામનો કપુરભાઈ ધારજી જી સોલંકી પણ તે જ રાત્રિથી ગુમ છે, સગીરાના વાલીના જણાવ્યા મુજબ, કપુરભાઈ સોલંકીએ સગીરા ની અજ્ઞાનતાનો લાભ લઈ તેને લગ્ન કરવાની લાલચ આપી અપહરણ કર્યું હોવાની શંકા છે..

આ મામલે સગીરા ના પાલક પિતાએ ડીસા રૂરલ પોલીસ મથકે કપુરભાઈ ધારજી જી સોલંકી વિરુદ્ધ ફરિયાદ નોંધાવી છે, પોલીસે સગીરાની ઉંમર 16 વર્ષથી ઓછી હોવાથી અપહરણ નો ગુનો નોંધી વધુ તપાસ હાથ ધરી..