કાલોલ તાલુકાના સુરેલી ગામના પ્રવીણકુમાર દિલીપસિંહ પટેલ દ્વારા તલાટી કમ મંત્રી સુરેલી પાસેથી રાઇટ ટુ ઇન્ફોર્મેશન એક્ટ હેઠળ ગ્રામ પંચાયતની 15 મુદ્દા જેટલી માહિતી માંગવામાં આવી છે.ગ્રામ પંચાયત કક્ષાએ મનરેગા તેમજ શૌચાલય અને આવાસ યોજનામાં અને વિકાસના કામોમાં મોટેભાગે ભ્રષ્ટાચાર કરવામાં આવતો હોવાની વ્યાપક પ્રમાણમાં ચર્ચાઓ ચાલી રહી છે ત્યારે આ ભ્રષ્ટાચાર ને ઉજાગર કરવા માટે વર્ષ 2016 થી આઠ દિન સુધીના આયોજન પંચના તેમજ નાણાપંચના અને મનરેગા યોજના તેમજ યોજના અને ધારાસભ્ય અને સંસદ સભ્યની ગ્રાન્ટ તથા લોકફાળા ની તમામ વિગતો માંગવામાં આવી છે. વધુમાં આ તમામ કામોના પ્લાન્ટ એસ્ટીમેટ, વર્ક ઓર્ડર,મસ્ટર અને એમઓયુ કરવામાં આવ્યા હોય તો તે તમામની પ્રમાણિત નકલ પણ માંગવામાં આવી છે આ કામો કરનાર એજન્સી કોન્ટ્રાક્ટર ના નામ સરનામાની વિગતો માંગવામાં આવેલી છે વધુમાં આ એજન્સીને ચુકવણી કેવી રીતે કરવામાં આવી છે તે ચૂકવણીના ચેક નંબર તથા બીલ ની તમામ વિગતો પણ માંગવામાં આવેલી છે ગ્રામ પંચાયતમાં 2016 થી આજ દિન સુધીમાં કઈ કઈ યોજનાઓ હેઠળ ગ્રામજનોને આવાસ, શોચાલય જેવા લાભો આપવામાં આવ્યા તે તમામ લાભાર્થીઓની વિગત તેમજ કયા કયા વિસ્તારમાં પેપર બ્લોકના કામ કરવામાં આવ્યા છે તે તમામ ટેન્ડર અને વર્ક ઓર્ડર અને બિલ ની વિગત માંગવામાં આવેલી છે વધુમાં વપરાયા વિના પડી રહેલી ગ્રાન્ટ જો પરત કરવામાં આવી હોય તો તેની પણ વિગત માંગવામાં આવી છે. ગ્રામ પંચાયત વિસ્તારમાં કુદરતી આફતમાં કોઈ લાભાર્થીને લાભ આપવામાં આવ્યો હોય તો તેની પણ વિગત માંગવામાં આવી છે 2016 થી સુધીમાં ગ્રામસભામાં ગ્રામ પંચાયતની મિટિંગમાં કયા કયા અધિકારી કર્મચારી પદ અધિકારી હાજર રહ્યા તે તમામના હાજરીવાળી રજીસ્ટરની પ્રમાણિત નકલ માંગવામાં આવેલી છે. ગામ તળમાં ગ્રામ પંચાયત દ્વારા નવી જમીન લેવામાં આવી હોય તો તેની પણ પ્રમાણિત નકલ ની માંગણી કરવામાં આવેલી છે. એટલું જ નહીં 2016 થી આજ દિન સુધી ગામના કોઈ નાગરિકે ગ્રામ પંચાયત સામે કોઈ ફરિયાદ કરી હોય તો તેની પણ પ્રમાણિત નકલ ની માંગણી કરવામાં આવી છે. ગ્રામ પંચાયત દ્વારા 2016 થી આજ દિન સુધી જે કોઈ દબાણદારોને નોટિસ આપવામાં આવી હોય તો તે નોટિસ તથા દબાણ દૂર કરવાની કોઈ કાર્યવાહી કરવામાં આવી હોય તો તે તમામ દબાણદારોના નામ સરનામા સાથેની વિગત ની માંગણી કરતા ભારે ચકચાર મચી જવા પામી છે મળતી માહિતી મુજબ ગ્રામ પંચાયત સતાધીશો દ્વારા વ્હાલા દવલા ની નીતિ અપનાવી દબાણ અંગેની કાર્યવાહી કરવામાં આવી રહી છે સરપંચ દ્વારા પોતે ડુંગર પડતર ઉપર દબાણ કરેલ છે હોલ બનાવેલ છે. રોડ ઉપર ગટર બનાવેલ છે અને જૂનો રોડ સમય મર્યાદા પહેલા તોડી નાખી નવો રોડ બનાવેલ છે તેમજ સરપંચના માણશો એ પણ દબાણ કરેલ છે તે દૂર કરતા નથી અને પોતાની સામે ચુંટણી લડેલા ઉમેદવાર અને તેમના ટેકેદારો ને દબાણ અંગેની નોટિસ આપે છે તેવું જાણવા મળે છે