સ્પેશિયલ ઓલમ્પિક ભારત દ્વારા ફરીદાબાદ ખાતે યોજાયેલ નેશનલ ફિલ્ડ હોકી ચેમ્પિયનશિપ માં તા. 21થી 26 ફેબ્રુઆરી 2026 યોજાયેલ. જેમાં ગુજરાત સહિત 10 રાજ્યના સ્પેશિયલ ખેલાડીઓએ ઉત્સાહપૂર્વક ભાગ લીધો હતો.

ગુજરાત રાજ્યમાંથી ખેડા જિલ્લાના સ્પેશિયલ મનોદિવ્યાંગ ખેલાડીઓએ ઉત્તમ પ્રદર્શન કરીને ગૌરવ વધાર્યું હતું:

સબ જુનિયર ગ્રુપ: રાઠોડ કેતન કનુભાઈ – સિલ્વર મેડલ

જુનિયર ગ્રુપ: ચાવડા મહાવીર સંજયભાઈ – ગોલ્ડ મેડલ

સિનિયર ગ્રુપ: પરમાર રોહિતભાઈ રમણભાઈ – બ્રોન્ઝ મેડલ

આ ત્રણેય ખેલાડીઓએ ગુજરાત રાજ્ય તેમજ ખેડા જિલ્લાના ઠાસરા તાલુકાનું નામ રાષ્ટ્રીય સ્તરે રોશન કર્યું છે.

તેમના કોચ અને સ્પેશિયલ ટીચર મીનાક્ષીબેન પંડ્યાએ તાલુકા અને જિલ્લા લેવલથી લઈને રાષ્ટ્રીય સ્તર સુધી બાળકોને પહોંચાડવા માટે ખુબ જ મહેનત અને સમર્પણ દાખવ્યું છે. બાળકોને મેડલ પ્રાપ્ત કરતા મીનાક્ષીબેન પંડ્યા અને, શ્રી સંસ્થાન હાઇસ્કુલ ડાકોર અને પ્રા શાળા આગરવાના આચાર્યશ્રી તથા શાળા પરિવાર,ગૌરવ અને આનંદની લાગણી અનુભવે છે.