પાવીજેતપુર 

વનવાસી સેવા સમાજ ટ્રસ્ટ B.Ed કોલેજમાં ચિત્ર અને રંગોળી સ્પર્ધાનું સુંદર આયોજન

        પાવીજેતપુર વનવાસી સેવા સમાજ ટ્રસ્ટ સંચાલિત બી.એડ કોલેજ ખાતે તાજેતરમાં કલા મંડળના નેજા હેઠળ "ચિત્ર સ્પર્ધા અને રંગોળી સ્પર્ધા"નું સુંદર આયોજન કરવામાં આવ્યું હતું. કોલેજના વિદ્યાર્થીઓમાં કલા પ્રત્યેનો રસ વધારવા, તેમની સર્જનાત્મકતાને પ્રોત્સાહન આપવા અને સહિયારા પ્રયાસોની ભાવના જગાવવાના ઉદ્દેશ્ય સાથે આ કાર્યક્રમ ૧૪ ઑક્ટોબર, ૨૦૨૫ના રોજ યોજાયો હતો.

કાર્યક્રમનો પ્રારંભ કોલેજના પ્રિન્સિપાલશ્રીના પ્રેરક સંબોધન અને આશીર્વચન સાથે કરવામાં આવ્યો હતો. આ સ્પર્ધામાં બી.એડના તાલીમાર્થીઓએ ઉત્સાહભેર ભાગ લીધો હતો. ચિત્ર સ્પર્ધામાં વિદ્યાર્થીઓએ સામાજિક જાગૃતિ, પર્યાવરણ સંરક્ષણ અને સાંસ્કૃતિક વારસા જેવા વિવિધ મહત્વપૂર્ણ વિષયોને પોતાની પીંછી દ્વારા કેનવાસ પર ઉતાર્યા હતા.

         આ ઉપરાંત, રંગોળી સ્પર્ધામાં પણ વિદ્યાર્થીઓએ અદભૂત કલાનું પ્રદર્શન કર્યું હતું. પરંપરાગત અને આધુનિક ડિઝાઇનોના સમન્વય સાથે તૈયાર કરાયેલી રંગોળીઓએ સૌનું ધ્યાન આકર્ષિત કર્યું હતું. વિવિધ રંગોના માધ્યમથી વિદ્યાર્થીઓએ તેમની કલાત્મક પ્રતિભા અને ટીમ વર્કનો પરિચય કરાવ્યો હતો.

સમગ્ર કાર્યક્રમ દરમિયાન કોલેજનું વાતાવરણ કલાત્મક ઉત્સાહ અને હકારાત્મક ઉર્જાથી ભરપૂર રહ્યું હતું. સ્પર્ધાના આયોજનથી વિદ્યાર્થીઓને તેમની અભ્યાસની પ્રવૃત્તિઓ વચ્ચે એક અલગ મંચ મળ્યો હતો, જ્યાં તેઓ પોતાની સુષુપ્ત શક્તિઓનું પ્રદર્શન કર્યું હતું. 

         આ સફળ આયોજન બદલ કલા મંડળના સભ્યો અને કોલેજ મેનેજમેન્ટ દ્વારા વિદ્યાર્થીઓને અભિનંદન પાઠવવામાં આવ્યા હતા.