শিৱসাগৰঃ---শিৱসাগৰৰ অন্যতম সাংস্কৃতিক আৰু সামাজিক সংস্থা "দৃশ্যপট শিৱসাগৰ'ৰ" উদ্যোগত বিগত বৰ্ষৰ দৰে এইবাৰো "বিশ্ব ৰক্তদান দিৱস" জয়সাগৰস্থিত শিৱসাগৰ অসামৰিক চিকিৎসালয়ৰ ৰক্ত ভৰাঁলত ৰক্তদান কাৰ্য্যসূচী অনুস্থিত হয়। "দৃশ্যপট শিৱসাগৰ" ৰ সদস্যসকলৰ লগতে শিৱসাগৰ চহৰৰ বিভিন্ন অনুষ্ঠান প্ৰতিষ্ঠানৰ পৰা ভালেসংখ্যক ব্যক্তিয়ে ৰক্তদানৰ দৰে এটি মহান কাৰ্য্যত জড়িত হয় । শিৱসাগৰৰ বহুতো অনুষ্ঠানৰ মাজত "দৃশ্যপট শিৱসাগৰ"ৰ এনে পদক্ষেপ সঁচাই আদৰণীয় । ইয়াৰ উপৰিও "দৃশ্যপট শিৱসাগৰ" গছ-পুলি ৰোপণ, অনাতাঁৰ নাট পৰিবেশন, বিপদৰ সময়ত আৰ্তজনক সহায় আৰু চিকিৎসাধীন অৱস্থাত থকা ব্যক্তিক চিকিৎসালয়ত গৈ ৰক্তদান কৰাৰ লগতে সাহিত্য আৰু সাংস্কৃতিকভাৱেও জড়িত। "দৃশ্যপট শিৱসাগৰ" ৰ বিষয়ববীয়া উপস্থিত থকা অনুষ্ঠানত সম্পাদক অভিনৱ দেৱ কাশ্যপে জানিবলৈ দিয়ে যে, এই ৰক্তদান কাৰ্যসূচীৰ পৰা প্ৰায় ২২ ইউনিট ৰক্ত সংগ্ৰহ কৰিবলৈ সক্ষম হোৱাৰ লগতে ৰক্তদানৰ উপকাৰিতাসমূহ ৰাইজৰ মাজত প্ৰচাৰ কৰা আৰু ৰক্ত ভৰাঁল টনকীয়াল কৰিবলৈ প্ৰয়াস কৰা।
