એલસીબીની ટીમ સોમવારે ડીસા તાલુકા વિસ્તારમાં પેટ્રોલિંગમાં હતી. તે દરમિયાન બાતમીના આધારે ડીસાના ઝેરડા ગામ પાસેથી દારૂ ભરેલું જીપ પીકઅપ ડાલું ઝડપી પાડ્યું હતું. સાથે પોલીસે બે શખસોની અટકાયત કરી રૂ.7.19 લાખનો મુદ્દામાલ જપ્ત કર્યો હતો.

એલસીબીના પીઆઇ એ.વી.દેસાઈના માર્ગદર્શન હેઠળ પીએસઆઇ એસ.બી.રાજગોર સોમવારે સ્ટાફ ડીસા તાલુકાની હદમાં પેટ્રોલિંગમાં હતા. તે દરમિયાન બાતમીના આધારે ટીમે ડીસા તાલુકાના ઝેરડા ગામ નજીક સામેથી આવી રહેલા પીકઅપ ડાલા નં. આરજે-19-જીએફ-0862 ને રોકાવી અંદર તપાસ કરતાં વિદેશી દારૂ-બિયરની પેટી નંગ-51 તથા છૂટક બિયર ટીન નંગ-23 કિંમત રૂ. 3,04,375, મોબાઈલ ફોન નંગ-2 કિંમત રૂ.15,000, બોલેરો પીકઅપ ડાલું કિંમત રૂ.4,00,000 મળી કુલ રૂ.7,19,375 ના મુદામાલ સાથે

 ચાલક ગૌતમ સાંગારામજી માળી (સોલંકી) (રહે.બાડમેર,રાજસ્થાન) તથા ક્લીનર શ્રવણનાથ કાળુનાથ ગૌસ્વામી (રહે.ગુંદાવ રાજસ્થાન) ને પકડી પાડી તેઓ સામે પ્રોહિબીશન એક્ટ મુજબ ગુનો નોંધી વધુ તપાસ હાથ ધરી હતી.