অসম যুৱ অলিম্পিকত - ২২ত পুৰস্কাৰ লাভ কৰা চৰাইদেউৰ খেলুৱৈ সকলক সম্বৰ্ধনা জ্ঞাপন

 সদ্য সমাপ্ত অসম যুৱ অলিম্পিক-২২ ত অংশগ্ৰহণ কৰি পুৰস্কাৰ লাভ কৰিবলৈ সক্ষম হোৱা চৰাইদেউ জিলাৰ খেলুৱৈ আৰু প্ৰশিক্ষক সকলক আজি সম্বৰ্ধনা জ্ঞাপন কৰা হয়। এই উপলক্ষে আজি চৰাইদেউ জিলা ক্ৰীড়া সন্থাৰ কাৰ্যালয়ত এক সভাৰ আয়োজন কৰা হয়। উক্ত সভাত বিশিষ্ট অতিথি হিচাপে উপস্থিত থকা যোৰহাট লোকসভা সমষ্টিৰ সাংসদ তথা চৰাইদেউ জিলা ক্ৰীড়া সন্থাৰ সভাপতি তপন কুমাৰ গগৈ, সোণাৰিৰ পৌৰপতি তিলক চন্দ্ৰ নেওগ, উপ পৌৰপতি স্বাক্ষৰ জ্যোতি গগৈ, সমাজকৰ্মী অনুপ সিং ৰাজপুৰোহিত, দিলীপ কোঁৱৰ, লক্ষীনাথ তাছা, কাজল দে, ননি বৰুৱা আদিয়ে পুৰস্কাৰ লাভ কৰি চৰাইদেউ জিলালৈ গৌৰৱ কঢ়িয়াই অনা খেলুৱৈ, প্ৰশিক্ষক আৰু কৰ্মকৰ্তা সকলক সম্বৰ্ধনা জ্ঞাপন কৰে।