শ্বপিয়ান, ১৬ আগষ্ট। দক্ষিণ কাশ্মীৰৰ শ্বপিয়ান জিলাৰ চোটিগাম অঞ্চলত এজন কাশ্মীৰী হিন্দু যুৱকক গুলীয়াই হত্যা সন্ত্ৰাসবাদীৰ। নিহত যুৱকজনৰ ভাতৃকো আক্ৰমণ সন্ত্ৰাসবাদীৰ। গুৰুতৰভাৱে আহত ভাতৃজন। ইফালে এই ঘটনা সংঘটিত কৰিযেই ঘটনাস্থলীৰ পৰা পলায়ন কৰে সন্ত্ৰাসবাদী।
ঘটনা সন্দৰ্ভত আৰক্ষীৰ এগৰাকী মুখপাত্ৰই জনোৱা মতে শ্বপিয়ানৰ চোটিগাম অঞ্চলত এখন আপেলৰ বাগিচাত কাম কৰি থকা দুজন কাশ্মীৰী হিন্দু ভাতৃৰ ওপৰত সন্ত্ৰাসবাদীয়ে গুলীচালনা কৰে। এই গুলীচালনাত কাশ্মীৰী হিন্দু অৰ্জুন নাথৰ পুত্ৰ সুনীল কুমাৰ নিহত হয়। আনহাতে তেওঁৰ ভাতৃ পিন্টু কুমাৰ গুৰুতৰভাৱে আহত হয়। আহত পিন্টুক ততাতৈয়াকৈ চিকিৎসাৰ বাবে ওচৰৰ এখন চিকিৎসালয়ত ভৰ্তি কৰোৱা হয়। বৰ্তমান আৰক্ষীয়ে অঞ্চলটো ঘেৰাও কৰি সন্ত্ৰাসবাদীসকলৰ বিৰুদ্ধে তালাচী অভিযান আৰম্ভ কৰিছে।
